tg-me.com/DoaaAIamry11/25801
Last Update:
★•• فزاعية لـ حرق الخيام ••★
#تقرأ بلحن (يابوعمامة الخضرة) أو (مروني على العباس/ملا عباس العقابي) وبألحان أخرى
«« حرگو خيمتي وفريت »»
«« أركض وانده اخواني »»
--------------------------------------
هجمو حرگو الصيوان
وتركض ظلت النسوان
صحت و اوميت للخوان
عدوكم گَرَّب وجاني
•━━•❁•━━•❁•━━•❁•━━•
جاني ويرعب الأطفال
شوصف حالتي ياحال
يشرح دمعي الهمال
صحت والأخو ماجاني
•━━•❁•━━•❁•━━•❁•━━•
ماظل لي شهم ياناس
ذبحو كل فحل فرَّاس
ألم لگليبي شگد جاس
صفيت الوحدي بـ احزاني
•━━•❁•━━•❁•━━•❁•━━•
دلال العشته مني راح
صفت دنياية هم وجراح
واحد ورى الثاني طاح
منك آه يزماني
•━━•❁•━━•❁•━━•❁•━━•
ركضت اعتب واناشدهم
من النومة اگعدهم
ومن كل جرح اضمدهم
فگدهم والله أذاني
•━━•❁•━━•❁•━━•❁•━━•
لا خيمة بقت لا دار
حرت وين التجي من النار
مثل مصابي ابد ماصار
بموت اخواني راواني
•━━•❁•━━•❁•━━•❁•━━•
تراني اتحيرت حيرة
بقيت بلاية ابو الغيرة
وحيدة وغربة هالديرة
وبس بگربي عدواني
🍃هوسات🍃
هاا
وشلون الحرة تنادي//وماينهض ليها الكفال
بذيچ الحيرة الظلت//ليهم تومي وتهمي العين
✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
•━━•❁•━━•❁•━━•❁•━━•
https://www.tg-me.com/in/الُشِاْعرَةِ وَلُائـيَةِ وَافَتْـٌخرَ/com.DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tg-me.com/DoaaAIamry11/25801